Jól í Yamoussoukro

Síðustu þrjú ár hefur alþjóðlegi fjáröflunardagur Marel, Tour de Marel, safnað rúmum 33 milljónum króna til byggingar grunnskóla og bókasafns í SOS Barnaþorpinu í Yamoussoukro á Fílabeinsströndinni. Skólinn opnaði dyr sínar 15. september 2014 og stunda nú 210 börn á aldrinum 6-16 ára nám í skólanum.

Síðustu tvö ár hafa starfsmenn Marel á Íslandi ekki aðeins gengið, hjólað og hlaupið yfir 6.500 km eða vegalengdina frá Garðabæ til Yamoussoukro til að safna áheitum. Þeir hafa einnig sent öllum börnunum í Marel skólanum jólagjafir. Gjafirnar náðu til þeirra rétt fyrir jól og, eins og meðfylgjandi myndir sína, vöktu mikla lukku barnanna.