Inga Lind: Þetta eru bara eðlilegir krakkar
Inga Lind Karlsdóttir ræddi við Lindu Blöndal í sjónvarpsþættinum 21 á Hringbraut um heimsókn sína í SOS barnaþorpið í Greenfields á Indlandi. Þar hitti Inga styrktarbörnin sín sem hún byrjaði að styrkja þegar hún var 18 ára. Eldra „barnið" er kona sem er orðin þrítug og fyrir löngu farin að standa á eigin fótum og svo 17 ára piltur sem Inga hefur styrkt síðan hann var 5 ára.
„Þetta eru bara eðlilegir krakkar, fólk, sem fær frábæra æsku þrátt fyrir hrakningar og slæmt útlit í byrjun,“ segir Inga um börnin í barnaþorpinu. Á ferð sinni um höfuðborgina Delí í janúar sl. bar margt fyrir augu Ingu Lindar og fjölskyldu hennar, eins og heimilislaus börn á götunni.
„Maður sér ýmislegt í Delí þegar maður fer þangað. Margt sem tekur á og stingur í hjartað en kannski það versta er sem ég sá ekki. Ég sá til dæmis ekki 12 milljónir barna sem eru í barnaþrælkun. Sem hefðu geta verið Pushkar og bræður hans."
Nýlegar fréttir
855 krónur af hverju þúsund króna framlagi renna í hjálparstarfið
Ársskýrsla SOS Barnaþorpanna fyrir árið 2024 hefur nú verið birt eftir aðalfund samtakanna 19. maí sl. Þar kemur m.a. fram að hlutfall rekstrarkostnaðar er með því allra lægsta sem gerist eða aðeins 1...
23 milljónum króna af erfðagjöf ráðstafað til háskólamenntunar
SOS Barnaþorpin á Íslandi hafa ráðstafað 23 milljónum króna af erfðagjöf til háskólamenntunar ungmenna í Afríku, nánar tiltekið í Rúanda. Ráðstöfunin er samkvæmt óskum arfleifanda, Baldvins Leifssonar...